القاهرة : خاص.

إعترض عدد من عشاق الأوبرا على الأسلوب المتبع في الحجز وهو الحجز اليدوي أحيانا ، والإلكتروني أحيانا أخرى، والذي يؤدي إلى سوء توزيع التذاكر من ناحية، ومعاناة البعض في الحصول عليها، وضياع مدفوعات الجمهور من ناحية أخرى.
وأكد بعضهم أن نظام الحجز الإلكتروني فاشل ، وأن بعضهم سحبت منه أسعار التذاكر ألكترونيا، ولم يحصلوا على تذاكر ، وعندما راجعوا الأوبرا والشركة المشغلة للبرنامج لم يستردوا المبالغ الخاصة بهم .

 وكانت الأوبرا قد أعلنت منذ أيام عن طريقة الحجز لحفل للفنان عمر خيرت ، وكشف الإعلان الذي نشر على صفحة دار الأوبرا المصرية Cairo Opera House‎‏ على موقع التواصل الاجتماعي فيسبوك عن مشكلة الحجز العويصة، وكشف في الوقت نفسه أن أعمال الإصلاح مستمرة.

يقول الإعلان الذي نشر في 15 مارس 2017:

(حجز تذاكر عمر خيرت من شباك التذاكر صباح الخميس المقبل

بناء على طلب الشركة القائمة علي أعمال تطوير نظام الحجز والدفع الالكتروني الخاص بدار الاوبرا المصرية لانهاء كافة الملاحظات التي تلقتها ادارة الاوبرا من الجمهور منذ انطلاق النظام الجديد .. تقرر طرح تذاكر حفلتي الموسيقار عمر خيرت المقرر اقامتهما يومي الثلاثاء و الأربعاء 21 و 22 مارس الجاري علي المسرح الكبير من خلال شباك التذاكر بالأوبرا اعتبارا من صباح الخميس المقبل 16 مارس وذلك بشكل مؤقت لحين انهاء جميع أعمال تطوير النظام الجديد، بهدف تبسيط وتأمين اجراءات الحجز والدفع الالكترونى )

الإعلان الذي يعترف بمشكلة الحجز الألكتروني ، أثار العديد من الهموم ، وانهالت رسائل الوجع على البوست، دون أن يكلف أحد نفسه عناء الرد، فيما يلي بعض التعليقات :

Hani Soliman : طيب بالنسبة أني اتخصم مني فلوس في حفلة شهر فبراير، وجالي رقم متابعة حجز ومافيش تذاكر، وحاكيتلهم اللي حصل،  قالولي أحجز تاني، وهنردلك الفلوس، وحجزت تذكرتين تانيين ومافيش فلوس اترديت لحد دلوقتي، واكلم الأوبرا تقولي الشركة، والشركة تقولي الأوبرا ، مش عيب مؤسسة في مكانة الأوبرا يحصل فيها كدة ولا إية رأيكم !!!! ، وحتي بعت رسالة للصفحة هنا، ولا حياء لمن تنادي، قولولي بس، علشان لو مش هتحلوا الموضوع هعرف انا أتصرف واحلة بطريقتي.

Maha Emara : نفس مهزله كل سنه، والله عيب لما تبقي الاوبرا بتدار كده، والناس تقف طوابير عشان تاخد ارقام من 4 الصبح، وعلي ما يوصلو يا يلاقو يا مايلاقوش تذاكر! ، قمه عدم الاحترام للناس، وقمة الفشل لما مش عارفين تصلحوا نظام الحجز الالكتروني ! انتو في سنه كام؟!!!

Kholoud El Hegazy : شكرا رجعنا لنفس الكرة والمهاذل اللى كانت بتحصل : انتوا اصلا مؤسسة فاشلة، وخسارة ان حد زى عمر خيرت تبقى معظم حفلاته هناك.

Abeer El Shorfa : وفلوسنا اللي من شهر يناير مصيرها ايه ياريت حد يرد علينا .
وتقولوا لنا ازاي حترجع؛؛؛؛؛؛؛؛؟، ولا احنا اتنصب علينا ولا ايه

Hanan Ali 1 : بالنسبة لحفل الشهر اللي فات والمبلغ اللي اتخصم وعملت استعجال للشكوى اكتر من مرة ومافيش فلوس اتردت ؟؟؟،  تااني الحجز من امام الشباك 7صباحا 😈..حاولوا تخلصوا التحديث قبل ميعاد الحفل ، الحجز لباقي حفلات الاوبرا سهل والتيكت بيوصل ..حجزت حفل قبل كدة بالنت بمنتهي السهولة والتيكت بيوصل ..مش وقت تحديث خاالص بعد حفل الفنان عمر خيرت اعملوا التحديث ..

Ghada Asker : المفروض نتطور شوية ونفتح كذا منفذ لبيع التذاكر زي ماكان في توماس كووك

Heba Eissa : بالنسبة لفلوس الحجز لحفلة 9 فبراير اللي اتسحبت ولسه مارجعتش!! وانتم وشركة خالص الي مشتركين معها بتحدفونا لبعض!!

Abir Omara : أيوة كده ..بصراحة نظام الحجز الالكتروني ده مش مناسب لكل الناس لازم يكون الطريقتين متوفرين

Basma Hassan : وبالنسبة اني اتخصم مني فلوس حفله 9 فبراير و ماجاليش تذاكر وأما بكلم خالص علشان اشوف ايه اخبار الشكوي يقولولي تابعي مع البنك إحنا ملناش دعوه، والفلوس مارجعتش لحد دلوقتي !!!!