القاهرة : فنون .

دافع الفنان محمد إمام إبن الزعيم عادل إمام عن صديقه أحمد الفيشاوي ، بعد الهجوم الشديد الذي تعرض له الأيام الماضية بسبب لفظ خارج بدر منه خلال مهرجان الجونة السينمائي .

وكتب إمام الصغير على صفحته الرسمية في فيسبوك  :

"انا بحب #احمد_الفيشاوي .. مشكلة احمد انه عايش بدماغ غربي في مجتمع شرقي متحفظ جداً ، بيغلطوا اه بس مايحبوش اللي بيحبوهم يغلطوا . انا عشت مع أحمد أيام في بيت الأستاذ فاروق الفيشاوي ومدام سمية الالفي، وماشفتش منهم غير كل حب .

الأستاذ فاروق من ألطف الشخصيات اللي ممكن تشوفها في حياتك ، ومدام سمية من أجمل الأمهات ( ده غير ان أول مسلسل ليا في حياتي كان مع الاتنين دول). و علي فكرة احمد الفيشاوي ده من أقوي الممثلين اللي في مصر . سيبوه يعيش حياته زي ماهو عاوز، و انتوا عيشوا حياتكم زي مانتوا عاوزين .

البوست ده مش دفاعاً عن أحمد ، هو فعلاً غلط و اعتزر ، بس كان في كلمتين لازم اقولهم بحق العيش والملح والعِشرة اللي بينا"